D'un vanneur de blé aux vents.  Joachim du Bellay

 

 

 

 

 

 

 

 

 

 

 

 

 

 

 

 

D'un vanneur de blé aux vents.  Musique: DrPascalRollet

 

A vous troppe legere
Qui d'aele passagere
Par le monde volez,
Et d'un sifflant murmure
L'ombrageuse verdure
Doulcement esbranlez,

J'offre ces violettes,
Ces lis, et ces fleurettes
Et ces roses icy,
Ces vermeillettes roses,
Tout freschement écloses,
Et ces oeilletz aussi.

De vostre doulce halaine
Eventez ceste plaine,
Eventez ce sejour :
Cependant que j'ahanne
A mon blé, que je vanne
A la chaleur du jour.

 rustiques1558